ספריית חב"ד ליובאוויטש

ד'תעו

ב"ה, כ"ב סיון, תשט"ז

ברוקלין.

הוו"ח אי"א נו"נ עוסק בצ"צ מו"ה ברוך שי'

שלום וברכה!

נאך א לאנגען איבערריס בין איך געווען צופרידען צו באקומען אייער בריף פון יום שני, אין וועלכען איר שרייבט דעם המשך ענין בהנוגע צו דער בית הכנסת בא אייך, און דער עיקר וואס איר האט באווארענט אז אין חדש תשרי הבע"ל זאלען די ענינים זיין דארטען בסדר, און מען דארף האפן אז אויך אויף להבא וועט אויך אזוי זיין, און איך וויל זיין זיכער אז אויך להבא וועט איר ניט אפגעשוואכט ווערען אין דער השתדלות, און עס איז דאך באוואוסט דער מאמר רז"ל הבא לטהר מסייעין לו, ויהי רצון מבורא עולם ומנהיגו אז אויך אייער באזוך באם קאנווענשאן זאל בריינגען געוויסע רעזולטאטען, און ניט נאר אין דער פראגע פון דער בית הכנסת נאר בכלל צו עניני יהדות.

איר דערמאנט ניט וועגען אייערע בני בית און וועגען זיך, נעם איך אן אז אלץ איז בסדר ובשלום.

בברכה לויטן נוסח פון כ"ק מו"ח אדמו"ר צו א געזונטען פרייליכען זומער.

ד'תעו

מו"ה ברוך: ליטווין, מט' קלעמעס. אגרות נוספות אליו - לעיל חי"ב ד'פה, ובהנסמן בהערות שם. לקמן ד'תקעה.

דעם המשך ענין: המחיצה בבית הכנסת, ראה לעיל שם. המשפט נמשך עד שנת תשי"ט, שאז פסק בית המשפט העליון שבמישיגן שהמחיצה צריכה להשאר בבית הכנסת, ובקשר לזה הדפיס ספר גדול בשם "קדושת בית הכנסת" - אוסף תשובות בענין חיוב מחיצה בבית הכנסת, ובו מסופר על המשפט.

בענין מחיצה בביהכ"נ ראה גם לעיל ד'תלה, ובהנסמן בהערות שם.